گرمیوں اور برسات کے موسم میں اسہال کے عام ہونے یا وبائی شکل اختیار کرنے کے گرمیوں اور برسات کے موسم میں اسہال کے عام ہونے یا وبائی شکل اختیار کرنے کے امکانات بڑھ جاتے ہیں۔ ایسے میں اسہال سے بچنے کے لیے پینے کا ہپانی صاف اور محفوظ ہونا چاہیئے، اس کے علاوہ باتھ روم استعمال کرنے کے بعد اور کھانے کو ہاتھ لگانے سے پہلے صابن اور پانی سے ہاتھ دھونا، گھرانے اور علاقے میں بہتر صفائی کو یقینی بنانا، چھوٹے بچوں کو پہلے چھ ماہ تک صرف ماں کا دودھ پلانا، اور روٹا وائرس کی ویکسین لگوانا شامل ہیں۔ غذائیت کی کمی ور اسہال ایک مہلک مجموعہ ( کامبی نیشن) ہیں۔ اسہال بچوں میں غذائیت کی کمی اور کمزوری پیدا کرتے ہیں اور کمزور بچوں میں اسہال بار بار ہوتے ہیں۔ بیماری کی اس مہلک تال میل کے اثرات سے بچا جا سکتا ہے اگر اسہال کے ایک اٹیک کے دوران غذائیت سے بھرپور غذائیں ، بشمول ماں کا دودھ دینا جاری رکھا جائے۔ بیماری ہونے کی صورت میں اسہال کے علاج کے لیے مندرجہ ذیل باتیں اہم ہیں:
1. نمکول (ORS) استعمال کرنا تاکہ جسم میں پانی اور نمکیات کی کمی نہ ہو۔ ORS صاف پانی، نمک اور چینی کا مرکب ہے۔چند روپوں میں اس کا پیکٹ مل جاتا ہے اور اس کے علاوہ گھر میں بھی بنایا جا سکتا ہے۔
2. زنک سپلیمنٹس کا استعمال، جو اسہال کی مدت میں 25 فیصد کمی اور پاخانہ کے حجم میں 30 فیصد کمی کا باعث بنتے ہیں۔
3. غذائیت سے بھرپور غذائیں جاری رکھنا۔
4. اپنے معالج سے مشورہ کرنا، خاص طور پر اگرمسلسل قے آرہی اور نمکول بھی مریض کے جسم میں نہ ٹھہر رہا ہو، ایسے میں ڈرپ کے ذریعے ری ہائیڈریشن کی ضرورت ہوتی ہے۔
5. اس کے علاوہ اسہال دو ہفتے سے زیادہ ہو جائیں، یا پاخانے میں خون ہو یا پانی کی شدید کمی کے آثار ہوں توبھی معالج سے مشورہ کرنا چاہیئے ۔
References https://www.who.int/news-room/fact-sheets/detail/diarrhoeal-disease