خون کی کمی ناقص غذائیت اور خراب صحت دونوں کی علامت ہے۔ یہ خود تو ایک بیماری ہے ہی، لیکن یہ بچوں میں صحت کے دیگرمسائل کے خطرات میں بھی اضافہ کرتی ہے۔ مثلاً خون کی کمی کی وجہ سے بچوں میں قد چھوٹا رہ سکتا ہے، وزن کم ہو سکتا ہے۔بہت سے بچوں میں یہ دونوں پیچیدگیاں یعنی قد چھوٹا اور وزن کم ہونا، اکٹھی ہو جاتیں اور سوکھے کی بیماری (Stunting) کا باعث بنتی ہیں۔
اس کے بالکل الٹ، بعض بچوں میں توانائی کی کمی کی وجہ سے ورزش یا تیز حرکت نہ کرپانے کے باعث موٹاپا بھی دیکھنے میں آ سکتا ہے۔ خون کی کمی کی وجہ سے بچوں کی اسکول میں کارکردگی اور بالغوں میں کام کی صلاحیت میں کمی، اس شخص اور خاندان کے لیے مزید سماجی اور معاشی اثرات مرتب کر سکتی ہے۔