ہیضہ کی بیماری شدید پانی والے اسہال کا سبب بنتی ہے، جس کے نتیجہ میں مریض پانی کی شدید کمی (ڈی ہائیڈریشن) کا شکار ہو سکتا ہے۔ہیضہ کے جراثیم آلودہ کھانا کھانے یا آلودہ پانی پینے سے انسان کے جسم میں پہنچتے ہیں۔ بیماری کی علامات 12 گھنٹے میں ظاہر ہو جاتی ہیں، اگر چہ بعض اوقات اس میں 5 دن بھی لگ جاتے ہیں۔ ہیضہ بچوں اور بڑوں دونوں کو متاثر کرتا ہے اور اگر علاج نہ کیا جائے تو گھنٹوں کے اندر اس کا مریض ہلاک ہو سکتا ہے۔ ہیضہ کے جراثیم کے ہمارے ماحول میں موجود رہنے کی ایک وجہ یہ ہے کہ تمام لوگ جن کے جسم میں یہ جراثیم جائے، ان میں ہیضہ کی بیماری نہیں ہوتی۔ بہت سے لوگوں میں ہیضہ کے جراثیم بیماری تو نہیں کرتے لیکن ایک سے دس دن تک ان کے پاخانے میں موجود رہتے ہیں۔جس کا مطلب ہے کہ واپس ماحول میں جا کر دوسرے لوگوں کو متاثر کرسکتے ہیں۔